.....eða búin að færa mig um set

http://siljarut.bloggar.is

Þetta er svo dæmigert fyrir mig..... Elsa systir hans Hrafns kom hérna í vikunni og bað mig um að stytta fyrir sig tvennar buxur. Auðvitað var það ekkert mál, en ég er náttúrulega ekki búin að því enn svo í kvöld herti ég upp hugan og ætlaði aldeilis að klára þetta. Mér til mikillar mæðu komst ég að því, eftir að hafa grafið upp saumavélina mína, að ég átti ekki svartan tvinna. Mín ætlaði að redda því í hvelli og skaust út í búð en hvergi fékk ég tvinna, ég hata 10-11 en ég hata Krónuna meira. Var ég búin að minnast á það að þetta eru óléttubuxur, ég klára þetta örugglega aldrei fyrr en Elsa er búin að eiga

Annars er ég bara í góðu skapi þessa daganna, það er fínt í vinnunni, verður reyndar bara betra og betra með hverjum deginum. Morguninn byrjar á hverjum degi hjá mér á því að setja súpu og brauð í svona fimmhundruðogsextíu bakka, með tveimur lítháenskum konum, (það er ekki eins slæmt og það hljómar, það er alla veganna skárra en að tína upp sígarettustubba fyrir Orkuveituna). En svo fer restin af deginum í skemmtilegri hluti, eins og fara upp á Hellisheiði til að vinna í mötuneitinum í virkjunni sem verið er að koma upp þar. Og þar sem ég er búin að vinna klukkan fjögur, alla veganna ennþá, þá hef ég allan tíman í heiminum til að gera eitthvað skemmtilegt með Krummanum mínum.

Jæja þangað til næst, verið nú dugleg að kommenta hjá mér, annars verð ég svo sorgmædd, bið ég að heilsa  

jæja elskurnar mína...... það kemur ný færsla á morgun, í kvöld hefur letin tekið við

Kostningaloforð, kostningaloforð, kostningaloforð......................

Ég er alveg komin með upp í kok, þessar stöðugu auglýsingar frambjóðendanna, sem hafa aukist gríðalega nú í vikunni, væru kannski allt í lagi ef þær væru ekki svona hrikalega væmnar og fullar af hræstni, ég þarf ekki að taka dæmi um þetta því þið hljótið að kannast við það sem ég er að tala um. Látið nú ekki glepjast af girnilegum gilliboðum og loforðum um betri framtíð, þau eru einfaldlega allt of langt frá hinum raunverulega heimi til að geta nokkurntíman ræst.    

.........hún hlýtur að komast áfram

jæja gæskurnar, þá er komið að því, evróvisíon er eftir klukkutíma. hvernig ætli henni silvíu okkar eigi nú eftir að ganga, það hefur reyndar verið umdeilt upp á síðkastið hvort hún sé okkar eða ekki, ég er hrædd um að það séu ansi margir sem hafi afneitað henni í vikunni. en mér er sama um það, ég er viss um að hún værði klikkað flott. ég þori nú eiginlega ekki að vera vongóð, því þá verð ég svo afskaplega sorgmædd ef við komumst ekki áfram, en samt..... allt gæti gerst

þetta kemur allt í ljóst

Ég trúi bara ekki hvað það er mikið pláss í herberginu mínu og bara í íbúðinni allri, en eins og glöggir lesendur vita hef ég verið að taka til hjá mér, endurskipulegga og HENDA.

Ég á við þann vanda að stríða að ég á voðalega erfitt með að henda, skiptir ekki máli hvað það er, allt frá uppþornuðum pennum til útbrenndra kertastubba eða jafnvel eldgamalla útslitinna skópara. Afleiðingar þessarar hegðunnar minnar eru að hver krókur og kimi eru fullir af einhverju drasli sem enginn notar. Skókassar eru gott dæmi, mér er það algjörlega ófært að henda nýjum skókössum, sem eru reyndar frekar fátíðir á mínu heimili, sem gerir mér ef til vill enn erfiðara fyrir, en ég tel mér alltaf trú um að ég geti nú örugglega notað þá undir eitthvað einhverntíman, sem er reyndar alveg rétt, en af fenginni reynslu er ég nú loksins að átta mig á því að ég stafla þeim yfirleitt bara upp, tómum eða fullum af ónothæfu drasli, sem mætti henda, þar sem stærsta hlutverk þeirra verður að safna ryki. Ég er nú enginn sálfræðingur, en mig grunar að vandi minn felist í því að ég sé notagildi í öllu, og mér þykir einfaldlega allt of vænt um það sem ég eignast til að henda því strax, ég fæ mig bara ekki til þess. Samt skortir mér als ekki ást og/eða  umhyggju í hinum andlega heimi, ég verða bara að trúa, vegna ástands míns, á ástina í hinum hlutbundna líka.

Eins og gefur að skilja á ég því sérlega efritt þessa daganna, það er ekki á hverjum degi sem maður hendir ástinni sinna á sorphauganna, en ég er sterk og læt ekki ástarsorgina buga mig.

gleymdi að mynna ykkur öll á að kjósa og þá auðvitað að kjósa rétt

X-N

þá er þessum vetri lokið hjá mér, síðasta prófið í gær og ég því tilbúin fyrir sumarið í kvöld er síðasta vaktin mín hjá póstinum og á laugadaginn byrja ég í nýju vinnunni.

ég verð nú að vera sannur íslendingur og ræða veðrið..... það er búið að vera alveg magnað að undanförnu. ótrúlegur hiti þrátt fyrir þetta mistur sem við höfum yfir okkur, hana orsakar víst einhver kolabrennslumengun frá austur-evrópu, skilst mér. mér sýnist hún ætli að staldra eitthvað við, alla veganna virtist hún ekkert á förum í morgun.

ég hef sem sagt verið að pakka vetrinum niður síðast liðnu daga, eða svona á milli prófa, koma skóladótinu úr augnsýn og þess háttar. þeir sem hafa komið í kjallarann á laugarásvegi vita að það er nú ekki mikið geymslupláss hér og þá koma búðir eins og ikea sér sérlega vel eða eins og þeir segja "ertu að skipurleggja.....". mín skellti sér bara í ikea og keypti þessa líka flottu kassa til að moka dótinu niður í. þessa kassa þarf maður ekkert að vera að fela á bak við sófa eða undir rúmi, því þeir eru svo FLOTTIR þeir eru bara orðnir glæsileg viðbót á fábrotnum húsbúnaði mínum

það styttist óðum í að nýi fjölskyldumeðlimurinn fari að líta dagsins ljós, elsabet er komin með myndarlega kúlu, enda á hún að eiga í júlí, ég hlakka svo til, ég varð bara að koma því á framfæri

ég er búin að ákveða að fara í sagnfræði við hí næsta vetur, sem endar vonandi með því að ég verð sagnfræðingur, annars veit maður aldrei, í fyrra fór ég í lögfræði sem ég var að vona þá að myndi enda með því að ég yrði lögfræðingur.... en svo varð nú ekki, guði sé lof. þetta kemur allt í ljós fyrr en síðar.

ætli ég láti þetta ekki bara duga í bili, þangað til næst, bið ég að heilsa ykkur

í dag er nákvæmlega mánuður og einn dagur síðan ég skriftaði hér síðast og auðvitað hefur ýmislegt gerst á þeim tíma

kannski fyrir það fyrsta höfum við hrafn eignast lítinn sætann kettling, gulan, hvítan og loðinn og fékk hann nafnið týgri, aumingja mamma og pabbi fá engin barnabörn, bara ketti, boga systir á tvo ketti og dagbjört einn.

í gær fór ég í tvö teiknipróf, annað var frá kl. 09,00 til 11,30 en hitt frá kl. 13,00 til 17,00 . . . ég er komin með ógeð af því að teikna, undanfarnar vikur hef ég ekki gert neitt annað en að teikna og teikna til að klára möppur sem ég átti að skila, sem ég og gerði auðvitað. Nú á ég bara eftir að fara í hönnunarsögupróf og ég get ekki beðið eftir því byrja að læra undir það, bara að lesa

ótrúlegt að þessi vetur sé bara alveg að verða búinn, hann fór nú allt öðruvísi hjá mér en var planað, en ég sé ekki eftir neinu, búin að skemmta mér konunglega í iðnskólanum. það verður svolítið skrítið að vera ekki í dalakjör í sumar, en annars leggst sumarið bara ótrúlega vel í mig. ég er búin að skrá mig á hraðlestrarnámsskeið og þar sem ég verð ekki að vinna á kvöldin og um helgar finnst mér ég hafa allan tímann í heiminum til að gera eitthvað skemmtilegt.

í dag ætla ég að taka til og pakka skóladótinu niður, í kvöld er ég svo að fara að vinna og á morgun ætlum við hrafn heim í búðardalinn. það er svo mikið drasl hérna á laugarásveginum að mér veitir ekkert á því að fara að byrja svo þangað til næst bið ég að heilsa ykkur    

(hæ pabbi )

Elskurnar.....

Það er búið að vera brjálað að gera hjá mér síðan síðast en ég lofa nýrri færslu mjög fljótlega

Ég fór í starfsviðtal á föstudaginn, eins og skarpir lesendur muna ef til vill eftir. Ég veit nú ekki hvort það voru margir sem voru búnir að sækja um þessa vinnu, en ég tel það nú ólíklegt þar sem ég var ráðin á staðnum. Ég byrja mánudaginn 15 maí og vinn til 15 ágúst. 

Þrátt fyrir að vera súperánægð yfir því að vera komin með vinnu og að þurfa ekki að hafa meiri áhyggjur af því, var mál málanna auðvitað Katie Melua tónleikarnir á föstudaginn. Þeir voru hreint frábærir, ég á bara ekki orð til að lýsa hrifningu minni. Og ekki skemmdi fyrir að Ragnheiður Gröndal var að hita upp fyrir hana, hún var líka frábær að vanda. Hrannar sá um alla framkvæmd tónleikanna og var því aðal maðurinn þarna og ég nýtti auðvitað aðstæður mínar til fullnustu og fékk hann til að fara með Katie M. diskinn minn til hennar eftir tónleikana og árita hann fyrir mig, það var auðvitað ekkert mál fyrir hann, frekar en annað sem maður biður hann um að gera, svo nú á ég áritaðann Katie Melua disk   Takk takk takk Hrannar þú ert langbestur

Annars hef ég bara verið að læra um helgina, veit ekki alveg hvernig þetta blessast allt saman, en ég verð bara að trúa því að það geri það

En ég ætla ekki að hafa þetta lengra að sinni og halda áfram að læra

Þangað til næst.... don´t worry be happy

jæja elskurnar mínar, hvað á ég að segja ykkur í dag?

ég fór í klippingu í dag og er bara ánægð með klippinguna.... nei ég lét ekki taka mikið, aðalega fyrir hrafn samt, hann fær alltaf í magan þegar ég tala um að fara í klippingu, hann er alltaf svo hræddur um að ég láti klippa mig stutt   svo hefur restin af deginum hjá mér farið í það að skrifa ritgerð um volkswagen bjölluna, þetta er hönnunarsöguritgerð og því legg ég aðaláherslu á hönnun hans og hönnuði, vissuð þið að árið 1932 teiknaði hitler skissu af bílnum sem telja má fyrstu hugmynd af útliti bjöllunnar. sniðugt það, já...já... 

á morgun fer ég í stafsviðtal hjá höfðakaffi. mer skilst að þar sé eldað fyrir hin ýmsu fyrirtæki út í bæ, afraksturinn er svo settur í bakka og keyrður út. meira veit ég nú eiginlega ekki. en já þetta er dagvinna og ég vona svo sannalega að ég fái þessa vinnu, þá þarf ég líka ekki að leita meira. get nú samt eiginlega ekki sagt að ég hafi leitað mikið. ég hringdi og fór á nokkra leikskóla, hélt það vantaði alltaf fólk á þá en nei þar var enga vinnu að fá, búið að fylla allar stöður. svo asnaðist ég bara til að kíkja í smáauglýsingarnar í fréttablaðinu á miðvikudagsmorgunin og sá þessa vinnu auglýsta þar. já og það hefði ekki gerst ef hún fjóla kennari hefði ekki verið veik, ég fæ yfirleitt ekki fréttablaðið og ég nenni yfirleitt ekki að skoða það á netinu en af því ég var í eyðu þá ákvað ég bara að kíkja aðeins í það

helgardagskráin samanstendur af katie melua, klára ritgerðina, teikna og teikna og teikna. já þetta verður sennilega bara ágæt helgi, þrátt fyrir mikin lærdóm

en ég held ég láti þetta bara duga núna, er eiginlega bara að spá í að hætta að læra í kvöld og fara snemma í rúmið og glápa á sjónvarpið eða lesa.

þangað til næst don´t worry be happy 

Strax kominn miðvikudagur, það er ekki að spyrja af því!

Ég er að gera lokaverkefni í einum áfanga sem á að fjalla um mig, ótrúlega skemmtilegt viðfangsefni, eins og þið getið ímyndað ykkur   Alla veganna... við áttum að notast við myndir og auðvitað er ég ekki með neinar myndir hérna í bænum svo ég varð að fá mömmu og pabba til að senda mér fjölskyldualbúmin með rútunni. Pakkinn kom í gærkveldi svo ég fór eldsnemma í morgun niður á BSÍ og náði í hann. Svo er ég búin að vera að fletta albúmunum í allan morgun og velja myndirnar sem ég hef hugsað mér að nota, það er búið að vera ótrúlega gaman. Sumar af þessum myndum hef ég ekki séð í mörg ár.

Nú er ég farin að leita mér að sumarvinnu, hafði hugsað mér að komast í dagvinnu, sem sagt ekki vaktavinnu, eins og ég hef alltaf verið í . Mig langar að prófa að eiga alltaf frí á kvöldin og um helgar. Ef einhver er með einhverjar hugmyndir, þá endilega látið mig vita, ég er svolítið hugmyndasnauð. En það má eiginlega vera hvað sem er.

Já ég held ég láti þetta bara duga í bili, en þangað til næst verið hamingjusöm

Ég tók mig loksins til og lærði helling í gær, ætla líka að vera dugleg í dag, en svo er ég aðalega að stóla á að vera dugleg í páskafríinu, þar sem ég verð meiri partinn af því bara hérna í bænum. Fékk feitt kvíðakast í morgun, fannst ég eiga eftir að gera svo mikið áður en prófin skella á. Þetta þurfti endilega að poppa upp í hausinn á mér um 5 leitið, sem þýðir að það var ekki mikið sofið til alla veganna 6, en það er sá tími sem það tók mig að sannfæra sjálfan mig að ég ætti ekki svo mikið eftir og það væri als ekki yfirstíganlegt. Já svona er maður skrítinn, svo ætlaði ég auðvitað aldrei að vakna í morgun, þegar ég þurfit þess.

Annars get ég ekki beðið eftir að skólanum ljúki, verð að viðurkenna að það er komin námsleiði í kellinguna, það kemur nú alltaf upp á hverju ári, svona þegar það fer að síga á seinni hlutann, en þá er ekkert annað að gera en að herða á og taka góðan endasprett.

Annars er það bara Katie Malua á föstudaginn, vona að eftirvæntingin eftir þeim eigi eftir að lengja vikuna aðeins, því mér veitir ekki af tímanum.

held ég láti þetta bara duga í bili, en þangað til næst